Но… од каде всушност потекнува сето ова? Верувај или не, нема точен одговор.
Постојат неколку теории, а една од најпознатите ја опишува историчарот Џозеф Боскен од Бостонскиот универзитет. Тој објаснува дека во 1582 година, Франција го усвоила Грегоријанскиот календар наместо Јулијанскиот, со што Нова година се преместила од 1-ви април на 1-ви јануари. Но, некои луѓе продолжиле да ја слават во април - било поради традиција, неписменост или доцни информации. Тие станале мета на шеги и биле нарекувани „априлски будали“.
Малку грубо. Малку смешно. И на чуден начин доста слично на денешниот интернет хумор.
Некои други извори пак го поврзуваат 1-ви април со стари римски и средновековни фестивали, каде луѓето разменувале улоги, предизвикувале хаос и се смееле на сопствена сметка. Кратко кажано - ден кога ништо не било како што изгледа.
И некако, оваа традиција опстана. Дури и напредува. Ова ме натера да се запрашам - зошто толку уживаме да се зезаме едни со други?
Можеби затоа што барем на еден ден - сè е дозволено. Си дозволуваме да бидеме непредвидливи. Да се пошегуваме и да не се сфаќаме самите себе премногу сериозно. Да се насмееме. Да направиме глупост. Да се изненадиме - и себе и другите.
Искрено? Баш ми се допаѓа таа енергија. Ако нешто научив во последно време, тоа е ова: Животот и онака ни приредува доволно драми на секојдневна основа, па понекогаш, најдобар лек е едноставно да се изнасмееш на сопствениот неред.
Некои други извори пак го поврзуваат 1-ви април со стари римски и средновековни фестивали, каде луѓето разменувале улоги, предизвикувале хаос и се смееле на сопствена сметка. Кратко кажано - ден кога ништо не било како што изгледа.
И некако, оваа традиција опстана. Дури и напредува. Ова ме натера да се запрашам - зошто толку уживаме да се зезаме едни со други?
Можеби затоа што барем на еден ден - сè е дозволено. Си дозволуваме да бидеме непредвидливи. Да се пошегуваме и да не се сфаќаме самите себе премногу сериозно. Да се насмееме. Да направиме глупост. Да се изненадиме - и себе и другите.
Искрено? Баш ми се допаѓа таа енергија. Ако нешто научив во последно време, тоа е ова: Животот и онака ни приредува доволно драми на секојдневна основа, па понекогаш, најдобар лек е едноставно да се изнасмееш на сопствениот неред.
Можеби 1-ви април и не е само за шеги. Можеби е потсетник дека не мора сè да има смисла. Не мора сè да биде под контрола. Затоа, наздравје за будалите! 😀
За оние што сонуваат, што праќаат пораки пред да размислат, што објавуваат мемиња со кои искажуваат чувства на социјални мрежи и што немаат ни грам срам да се пошегуваат на своја сметка секој ден, не само за 1-ви април.
Можеби колективно немаме појма на каде сме тргнале, ама барем ни е забавно.
Среќен 1-ви април.
Искрено ваша,
Лори
0 comments